ما خلاص قليب اصبح من عذابك في اسي
وهجير شديد ووجعات ما شافاة ونسي
يوم القي ابتسامك والصباح ويوم القي في عمقي الجراح
والعطف منك يا سماح يتلاشي راح
عاد اقبل وين انا واحكي الوجعة ياتو خديد يشيل الدمعة
ياتو حبيب يحيب الراح اشيل كليماتك واسافر
اتذكر بسيماتك واساهر خلي طيفك يبقي هاجر
يخليني في في مسحة حزن ما بتنطرح
ما زي وجيهك كل يوم يصبح سمح
يموت جرح وتجيبي جرح وقليب لامات لافرح
هسة خايف من فراقك لما يحصل ببقي كيف
زي ورد في عز نداهو خوفو بكرة يزورو صيف
من عرفتك كنتا حاسس الزمن لي ما بسيبك
وكنتا حاسس رغم ريدي اني زي الما حبيبك
والحنان البينا ولف لا نصيبي ولا نصيبك
والزمان عارف مصيرنا حقو لي ماكان يجيبك
الفرح في دربي عارفو اصلو ما بطول كتير
زي غمام في سماي عدة سابني في عز الهجير
كم فراش علي وردة طات اصلو ما قايلا بطير
فات وراح شايل هناها خوفي من نفس المصير
وحقو ياعيني توالفي الصبر قبال فراقة
وانتي عارفة الجاي بكرة وبرضو تغرقي في اشتياقة
كم عيون في الريدة غرقت والزمن من ريدا ساقا
ما كتير القلبو حبة ياما كم في هوهو لاقي
يا زمن علمني انسي المحال نسيان عيونا
وحتي لو ايامي طالت ما اظني اعيش بدونا
وما اظن اياماي تاني زي حنانة تكون حنونة
انت خوني زماني كلو الا اوعك يوم تخونا